Annonce

Réduire
Aucune annonce.

Anka - Soubhane Allah Ya Ltif

Réduire
Cette discussion est fermée.
X
X
 
  • Filtre
  • Heure
  • Afficher
Tout nettoyer
nouveaux messages

  • Anka - Soubhane Allah Ya Ltif




    زغلول لطيف يا عريف * نحكي لك و افهم * في سن الورد و الزهر باهي الأوصاف
    مغرور بريشه الظريف * ماجي متخاصم * سل سيفه قال لي عندي خلاف
    أوقف إذا أنت شريف * من أهل الخاتم * وري لي وين وصلاتك قوة الأكتاف
    جاوبت أنا وقلت كيف * ماجي تتكلم * بكلام الغيظ واش هذا الغضبة و زعاف
    ما هيشي جابها النيف * كي جيت محزم * هذي غيرة مرزمة و حسودي بزاف
    ضنيتك صاحبي حليف * بي تتزعم * و ترن هقيت لي مطامر تدي للكاف
    حتى و إذا أنت سخيف * من حقك تحشم * تعرفني قاطع البحور جايل الأرياف
    عساك أنت اللي قصيف * للدنيا قادم * مثلك ما عاش ما زهى أش اللي شاف
    اللي زغلول ما ينيف * ورشان معلم * قادر يرحيه في حروف ألها لام و كاف
    مرقوم الريش يا رهيف * أرجع لا تندم * عندك منقار ما يحارب و جناح ضعاف
    أترك الحديث العنيف * ما هوش موالم * أترك عليك لغة الغتبة و التشناف
    يا ذا الزغلول يا نحيف * أرجع للمرسم * و اللي بعتوك قول لهم ما همش ظراف

    سبحان الله يا لطيف * أنت اللي تعلم * كاين شي ناس من استحاهم يقولوا خاف
    حاسبين كل شي خطيف * غير أجي وازدم * و اللي يبقى مع التوال يقولوا زحاف

    2

    كاين اللي يجي بسيف * يبدأ يتزعم * و يقول أنا غير أنا ما كان خلاف
    خصوص إذا أنت سعيف * تسكت و تسلم * ترجع في حينها حلاسة و إلا نشاف
    كاين اللي يجي ثقيف * يعرف يتكلم * بالكتوب و الرسول و السادات الأشراف
    يخدعك غير بالحليف * يقسم و يعظم * و السبحة راه من وراها عامل زرناف
    كاين اللي يجي لهيف * بنيابه يهضم * ما رواته ميات صحفة و ألف غراف
    يبغي كرسي من الصديف * و كنوز العالم * اللويز و الماس و الفضاضي من كل أصناف
    كاين اللي يجيك ضيف * بالقش مرزم * في يوم البرد و الشتا و الريح الزفزاف
    فاتت الأمطار و الخريف * ما زال مرسم * يرجع هو مول دارك و أنت جحراف
    كاين اللي يجيك عفيف * ما زاله يحلم * ذقنه ما زال ما عرف موس الحفاف
    يرجع ضربان لا تصيف * زقطي متشلغم * باعك و شراك في دقيقة عند الحراف
    سبحان الله يا لطيف * أنت اللي تعلم * كاين شي ناس من استحاهم يقولوا خاف
    حاسبين كل شي خطيف * غير أجي وازدم * و اللي يبقى مع التوال يقولوا زحاف
    3

    لحمام إذا نسى الولفة * من بعد الحب و الشغاف
    خلاني في الأحزان و جفى * من دون دواس لا خلاف
    هذا تحقيق به شوفة * شكيت داروا له الثقاف
    الباز إذا غاب صدفة * يهجر و يروح للتلاف
    خلاها خالية الغرفة * من ذاك اليوم ما أنشاف
    ضنيته صاحبي و يشفا * و ترن ثعبان في الاجواف
    عيب عليكم عار كشفة * يا أهل بلادي يا سخاف
    درتوها مرتبة و حرفة * نكرتوا الخير و الصناف
    سومتكم ما سوات علفة * في سوق السبت و الجياف
    ما هي صحبة و لا معرفة * ما هي نسبة و لا حلاف
    كيفاش القلب عاد يصفى * كي قطعتوه بالاطراف
    من يتبعكم راح في الفا * و الرا المسبقة بقاف
    يا ضيف الله جوز تدفى * رد سلامي لا تخاف
    ياك جينا نايضين شرفا * و الله ما نخيبوا الضياف
    اجلس هنا بغير كلفة * انزع عليك ذا اللحاف

    سبحان الله يا لطيف * أنت اللي تعلم * كاين شي ناس من استحاهم يقولوا خاف
    حاسبين كل شي خطيف * غير أجي وازدم * و اللي يبقى مع التوال يقولوا زحاف

    4

    يحسبوا الشيخ ما يفيد * عدوه يخرف * ما بين الصبح و العشية و الناس تشوف
    يحسبوا الشيخ ما يفيد * عدوه يهترف * قالوا سيفه رشى حفى

    و الشيخ أ سامع القصيد * ما زاله يهدف * سيفه براق فالثنية ديما معروف
    يحسبوا الشيخ ما يفيد * كالثور الشارف * ارحاوا الموس في الخقا

    و الشيخ أ سامع القصيد * ما هوش مكتف * ما هوش غنيمة الضحية ما هوش خروف
    يحسبوا الشيخ ما يزيد * شملاله يوقف * كيف ما عملوا ما كفى

    و الشيخ أ سامع القصيد * يسكت و يساعف * راهي ما خفات له خفية كل شي مخلوف
    ماني محساد لا جحيد * عمري ما نسخف * نمشي و نعيش بالصفا

    سبحان الله يا لطيف * أنت اللي تعلم * كاين شي ناس من استحاهم يقولوا خاف
    حاسبين كل شي خطيف * غير أجي وازدم * و اللي يبقى مع التوال يقولوا زحاف


    5


    غنيت شحال من قصيد * منظوم مستف * و الناس جميع عارفة
    فني ما هوش مالمسيد * مانيش مثقف * قراني الجوع و الحفا
    خبزي مصنوع من سميد * ماهوش مسلف * داري ماهيش تالفة

    ماني محتاج لا جحيد * عمري ما نسخف * نمشي ونعيش بالصفا
    يشهد القريب و البعيد * ما نيش موالف * نهدر و نقول في القفا
    عظمي ماهوش للكديد * مانيش محشلف * أرضي ماهيش ناشفة
    الصيد يموت ياك صيد * و لو كي يشرف * منه لذياب خايفة
    اللي مقيود ما يقيد * يشد المقدف * في وسط رياح عاصفة
    مول المنظوم و القصيد * ما هوش مطرف * من أهل الصدق و الوفاء
    ولد باب جديد بالوكيد * ببير جبح نحلف * التومي قال مصطفى
    و اللي غناها عميد * فيها يتصرف * شيخ العنقا اذا كفى
    عام السبعين لا تزيد * من بعد الالف * و التسع ميا مردفة
    الجزاير عهدها جديد * سنجاق يرفرف * تميت و قلت بالشفاء

    يحسبو كل شي خطيف * غير أجي وازدم * و اللي يبقى مع التوال يقولوا زحاف

    سبحان الله يا لطيف * أنت اللي تعلم * كاين شي ناس من استحاهم يقولوا خاف
    Dernière modification par absent, 21 novembre 2009, 17h23.

  • #2
    Salamoualikoum,

    Il y a un problème dans ta vidéo Atakor.
    Ce n'est pas la qacida d'El Hadj qu'on a ici, le titre t'a sûrement induit en erreur.
    "Tout ce que je sais, c'est que je ne sais rien."
    Socrate.

    Commentaire


    • #3
      Salam Elfamilia

      J'ai pas acces a youtube,

      tu ne peux pas savoir toute ma frustration ces jours-ci.

      Merci de m'avoir averti.....

      Commentaire


      • #4
        C'est la bonne !

        Une des références du Chaâbi algérien.
        Qacida écrite par Mustapha Toumi, interprétée, bien sûr, par le Cadinal.

        Merci.
        "Tout ce que je sais, c'est que je ne sais rien."
        Socrate.

        Commentaire


        • #5

          لحمام إذا نسى الولفة * من بعد الحب و الشغاف
          خلاني في الأحزان و جفى * من دون دواس لا خلاف
          هذا تحقيق به شوفة * شكيت داروا له الثقاف
          الباز إذا غاب صدفة * يهجر و يروح للتلاف
          خلاها خالية الغرفة * من ذاك اليوم ما أنشاف
          ضنيته صاحبي و يشفا * و ترن ثعبان في الاجواف
          عيب عليكم عار كشفة * يا أهل بلادي يا سخاف
          درتوها مرتبة و حرفة * نكرتوا الخير و الصناف
          سومتكم ما سوات علفة * في سوق السبت و الجياف
          ما هي صحبة و لا معرفة * ما هي نسبة و لا حلاف
          كيفاش القلب عاد يصفى * كي قطعتوه بالاطراف
          من يتبعكم راح في الفا * و الرا المسبقة بقاف
          يا ضيف الله جوز تدفى * رد سلامي لا تخاف
          ياك جينا نايضين شرفا * و الله ما نخيبوا الضياف
          اجلس هنا بغير كلفة * انزع عليك ذا اللحاف
          ce morceau me plait beaucoup .
          la le cardinal fais référence a son riche répertoire comme el hemam لحمام إذا نسى الولفة ,el baz ghabli fessyada ma rit chi b'halouالباز إذا غاب صدفة ,ach del 3ar 3alikoum ya redjal meknassعيب عليكم عار كشفة * يا أهل بلادي يا سخاف,ya diffellah red ledjouab sghali يا ضيف الله جوز تدفى * رد سلامي لا تخاف.
          merci Atakor
          elfamilia labass?

          Commentaire


          • #6
            Sahha el anka ta3 el forum
            Allah ihennik labès. swal a3lik ?

            Je n'arrive pas à préférer un passage sur un autre. Tout ce qui se dit dans cette oeuvre est magnifique. Si je m'y force à élire un passage j'opterai pour celui-ci:

            غنيت شحال من قصيد * منظوم مستف * و الناس جميع عارفة
            فني ما هوش مالمسيد * مانيش مثقف * قراني الجوع و الحفا
            خبزي مصنوع من سميد * ماهوش مسلف * داري ماهيش تالفة

            ماني محتاج لا جحيد * عمري ما نسخف * نمشي ونعيش بالصفا
            يشهد القريب و البعيد * ما نيش موالف * نهدر و نقول في القفا
            عظمي ماهوش للكديد * مانيش محشلف * أرضي ماهيش ناشفة
            الصيد يموت ياك صيد * و لو كي يشرف * منه لذياب خايفة
            اللي مقيود ما يقيد * يشد المقدف * في وسط رياح عاصفة
            مول المنظوم و القصيد * ما هوش مطرف * من أهل الصدق و الوفاء
            ولد باب جديد بالوكيد * ببير جبح نحلف * التومي قال مصطفى
            و اللي غناها عميد * فيها يتصرف * شيخ العنقا اذا كفى
            عام السبعين لا تزيد * من بعد الالف * و التسع ميا مردفة
            الجزاير عهدها جديد * سنجاق يرفرف * تميت و قلت بالشفاء
            "Tout ce que je sais, c'est que je ne sais rien."
            Socrate.

            Commentaire

            Chargement...
            X