Lounis Ait Menguellet - Ma Trud

[absente]

Ar-iyi-d a yadrar ṣut
xas ma yella dayen i d-qareγ,
d-acu i yeččabin lmut ?
d-ţţin aεzizen i furqeγ,
am iniγ ud(e)m-iw ţţut,
amek ad aγ d-yas ṣbeṛ ?

ma trud ulla d-nek kter
zaṛzegḍ-iyi dunit-iw,
am umeslub yekfa ṣbeṛ
deg zenqan yezga yix(e)f-iw...

yeḥzen wul mi kem i n-yeğğa
yerra ţţexmam d-axṣim-is,
acḥal b-usan yurğğa
a d-tefreḥ dunit-is,
ziγ di lmektub-iw yura
zher felli yef(fe)r ud(e)m-is...

ma trud ulla d-nek kter
zaṛzegḍ-iyi dunit-iw,
am umeslub yekfa ṣbeṛ
deg zenqan yezga yix(e)f-iw...

am (w)in yugmen s-uγarbel
yeţţεemiṛ wer d-iţţawi,
ḍemεeγ lemḥiba leḥlal
ḍelbeγ-ţţ i lmektub yugwi,
d-w(in) ur tesin ig ṣaḥ wawal
rağğu yuγal d-akwerfi...

ma trud ulla d-nek kter
zaṛzegḍ-iyi dunit-iw,
am umeslub yekfa ṣbeṛ
deg zenqan yezga yix(e)f-iw...

a win (i) ţţ-yebwin ur k sneγ
ak weṣiγ ḥad(e)r ṣifa-s,
fek-d ṣut-is as sleγ
u lukan d-yiwen was,
tebwiḍ lwiz i ḥemleγ,
teğğiḍ-iyi bγir lsas...

ma trud ulla d-nek kter
zaṛzegḍ-iyi dunit-iw,
am umeslub yekfa ṣbeṛ
deg zenqan yezga yix(e)f-iw...

taεğğebḍ-iyi a lwerd ifsan
seg ul yeṣfan d nniya,
lexyal-im mkul lawan
zdat wall(e)n-iw ig lla,
ruḥ tura εic di laman,
xas fekr-iyi-d di tnafa...

ma trud ulla d-nek kter
zaṛzegḍ-iyi dunit-iw,
am umeslub yekfa ṣbeṛ
deg zenqan yezga yix(e)f-iw...

Source

[remember]

vel

Merci el qatifa el 3ali