Un poème d'expression populaire, par un certain Mohammed 'Alili.
القادوم
عندي واحد القادوم
منها راني مهموم
والخطابة كل يوم
في الخيمة ما نجبرهاش
درتلها بشار
راه يحوس في الدوار
غير الخيام الكبار
و القبضة ما ردوهاش
سي جلول البشار
قال إنحوس في الدار
بالاك راهي في النار
طاح ما شفناهاش
هذي غير نحاسة
داها جلول بن موسى
قال نوريلك عرصة
تبكر ليها بالفراش
قلت في القطع تدوي
داها ولد يحياوي
في الرحي غير يساوي
توالم له منقاش
اعطوني عليها اللي نعاد
داها ولد الصياد
باعوها في لبعاد
خافو مولاها فتاش
داها ولد البدار
و ضرب عليها الذكار
يخدم بيها في الغار
في الضلمة ما صابوهاش
داها جلول الفرطاس
قالو كسرها من الراس
شهدت عليه الناس
قالي ما تخسرهاش
منها راني نتنوى
داها ذاك الهاوى
في هدرتو يتلوى
وراه كومي في لحواش
خرج واحد المدير
عند الحاج قويدر
يصلح بيها غير النادر
فيها ما يتلهاش
راه إكتلني غير البكا
داها قويدر بن سوكة
باش يركب السكة
إذا طاحت ما يجبرهاش
نتبع في القادة
حتى للقايد بن دداه
صنع مطارق للسدة
ولزم مايقلبهاش
راه إكتلني غير الشقا
رحت لشيخ الفرقة
عند القايد عبدق
سمعو بيها لعراش
تتقلب في اليدين
حتى وصلت لزدين
يحفرو بيها في الطين
في الغرسة ما جبدوهاش
حديدها زين وصافي
قبضتها قالو وافي
داها ولد البوصوفي
قالي ما لحقتناش
داها واحد يصلوج
باعها للقايد العوسج
أعطاها لوليدوالاعرج
بشواريته حشاش
راه إكتلني غير الزعاف
ما بغوش يعطوني الانصاف
شورت ناس العطاف
محنتها ما تتنساش
خرجلي واحد المياز
قال لي قطعت لبراز
دارو قيرة بالبراز
شهدو فيهم لعراش
حديدها قالو فلام
داها القايد عبد السلام
قال لي بطل من الكلام
والا ما نقلبهاش
شاورت عليها واحد الكهان
قال لي راهي في بني سليمان
باعوها للقايد ميشان
بعيدة ما نوصلهاش
واحد البشار جاني
عند القايد بالزيتوني
قال لي راك مهني
نشاور عليها في الاعراش
خرج واحد المربح
برنوصه قاع موذح
إداوها بني فرح
بالصح ما يقلبوهاش
ما خليت حتى مضرب
عند سي جلول بن الطيب
نصيبو زاهي و مطرب
مولاها قالو ماكاش
خرج ليها واحد الملهوث
باعوها في التالغوت
عبيته غير البرغوث
عمره ما يغسلهاش
القادوم
عندي واحد القادوم
منها راني مهموم
والخطابة كل يوم
في الخيمة ما نجبرهاش
درتلها بشار
راه يحوس في الدوار
غير الخيام الكبار
و القبضة ما ردوهاش
سي جلول البشار
قال إنحوس في الدار
بالاك راهي في النار
طاح ما شفناهاش
هذي غير نحاسة
داها جلول بن موسى
قال نوريلك عرصة
تبكر ليها بالفراش
قلت في القطع تدوي
داها ولد يحياوي
في الرحي غير يساوي
توالم له منقاش
اعطوني عليها اللي نعاد
داها ولد الصياد
باعوها في لبعاد
خافو مولاها فتاش
داها ولد البدار
و ضرب عليها الذكار
يخدم بيها في الغار
في الضلمة ما صابوهاش
داها جلول الفرطاس
قالو كسرها من الراس
شهدت عليه الناس
قالي ما تخسرهاش
منها راني نتنوى
داها ذاك الهاوى
في هدرتو يتلوى
وراه كومي في لحواش
خرج واحد المدير
عند الحاج قويدر
يصلح بيها غير النادر
فيها ما يتلهاش
راه إكتلني غير البكا
داها قويدر بن سوكة
باش يركب السكة
إذا طاحت ما يجبرهاش
نتبع في القادة
حتى للقايد بن دداه
صنع مطارق للسدة
ولزم مايقلبهاش
راه إكتلني غير الشقا
رحت لشيخ الفرقة
عند القايد عبدق
سمعو بيها لعراش
تتقلب في اليدين
حتى وصلت لزدين
يحفرو بيها في الطين
في الغرسة ما جبدوهاش
حديدها زين وصافي
قبضتها قالو وافي
داها ولد البوصوفي
قالي ما لحقتناش
داها واحد يصلوج
باعها للقايد العوسج
أعطاها لوليدوالاعرج
بشواريته حشاش
راه إكتلني غير الزعاف
ما بغوش يعطوني الانصاف
شورت ناس العطاف
محنتها ما تتنساش
خرجلي واحد المياز
قال لي قطعت لبراز
دارو قيرة بالبراز
شهدو فيهم لعراش
حديدها قالو فلام
داها القايد عبد السلام
قال لي بطل من الكلام
والا ما نقلبهاش
شاورت عليها واحد الكهان
قال لي راهي في بني سليمان
باعوها للقايد ميشان
بعيدة ما نوصلهاش
واحد البشار جاني
عند القايد بالزيتوني
قال لي راك مهني
نشاور عليها في الاعراش
خرج واحد المربح
برنوصه قاع موذح
إداوها بني فرح
بالصح ما يقلبوهاش
ما خليت حتى مضرب
عند سي جلول بن الطيب
نصيبو زاهي و مطرب
مولاها قالو ماكاش
خرج ليها واحد الملهوث
باعوها في التالغوت
عبيته غير البرغوث
عمره ما يغسلهاش
Commentaire