Kamel Messoudi_Ana wenti y guitra

[absent]

Ya el Djazair ya lahbiba




أنا وأنت يا قيثارة لثنين نتكاشفو الأسرار
في هذا الزمان شبعنا تمارة،مزيرية محنة ودمار
الهول ما خطانا في كل دارَ يا ربي ألطف وكون ستار
لا باب الواد لا سوسطارة لا صالومبي لا طاڨارة
لا بوزريعة لا الزغارة ما بقات شي بنة فالأبيار

من بلكور حتى الحراش باش جراح يا من تسمع
القبة هاج عليها الوحش الوقت صعيب راهو يخلع
واحد مجروح لاخر فالنعاش العين تبكي والقلب مقطع
أجي تشوف قرن خمسطاش القلب خاوي ولعقل طاش
ما تسمع غير يا من عاش الهربة على من إستطاع

الله يستر العقيبة هكذا والله لا يزيد كثر
يا الجزائر يا الحبيبة من الشرق للغرب راني نذكر
ما ننسى الساحة ولقصيبة واللي فالمدن لغيب والدشر
وشنو هذا يا عجابة في بلادي راني في غربة
هجموا الخرفان على الذيابة عيش تسمع وعيش تذكر

ياك حنا خاوة لثنين لا خلاف ولا عدواة
بحبل ربي العالمين نعتصموا فيه كلنا سوا
ربي ومحمد الأمين والصلاح وأهل التقوى
قوموا نتحدوا في الحين أجمع شملنا يا معين
العدو كـ يراقب بالعين غير أخطيك من هذا الفتوى