Kamel Messaoudi - Aalach ma fikch enniya

[katiaret]

[absent]

Voici le lyrics d'un poème que je n'aurais jamais pu écrire. Chaque mot sied au sentiment qu'il habille sans chichi ni exagération. Seul le Coran rivalise avec la jonction de ces mots. Appréciez!

علاش ما فيكش النية يا العدرة الهواوية
بركاك من الجفى يا خد المشموم
لوكان ما دريتك لي
عمري ما نكون في سجنك محكوم
لوكان ما دريتك لي
عمري ما نكون في سجنك محكوم
عندك شي نظرة مذبلة
أنت بالحيلة معولة
خليتي ذاتي مهولة
نخمم كل يوم
ترمي فالشبكة مخبلة
في بحرك شحال غمقى
عندك عقلية مقلقة
وسلاحك مفهوم
وقيلى راك فاهمة
يا العلجة كلثوم
علاش ما فيكش النية يا العدرة الهواوية
بركاك من الجفى يا خد المشموم
لوكان ما دريتك لي
عمري ما نكون في سجنك محكوم
قريتى فالحيلة معلمة
و احسبتك روحك فاهمة
و أنتي راكي ظالمة
و طاح بك السلوم
يا العدرة راكي ظالمة
أنت الي تولي نادمة
و النسوان عليك شاهدة
وعلاش رأيك مشوم
وقيلى راك فايقة
يا العلجة كلثوم
علاش ما فيكش النية يا العدرة الهواوية
بركاك من الجفى يا خد المشموم
لوكان ما دريتك لي
عمري ما نكون في سجنك محكوم
عيب عليك كنت مربية
رجعت بالحيلة مخبية
كويتني بالنار حامية
راني مريض اليوم
أش جرالك يا الباهية
بعد ما كنتي مهانية
في مقصودك واش ناوية
قصدك راه يعوم
على نفسك راكي شاهدة
هذا الشيء ما يدوم
نمتك في منامي ملحفة
مزروبة ولا خايفة
لابسة حايك جديد تاحفة
و عجار المرقوم
تظوي كي الشمعة الواقفة
حبي في قلبي ما طفى
يا الغزالة وين رايحة
ديني معاك نهوم
الي ما عشاق ما شاف و ما بكى
ما عليه حتى لوم
علاش ما فيكش النية يا العدرة الهواوية
بركاك من الجفى يا خد المشموم
لوكان ما دريتك لي
عمري ما نكون في سجنك محكوم