Tweet
Poésie du chi3r el melhoun algérien ... Le poème est de la plume de Abdallah Ben Kerriou , né à Laghouat en 1869... Il a consacré tous ses écrits à la femme qu'il a aimée , mais qu'il n'a jamais pu épouser en raison de la farouche opposition des parents de la jeune femme issue d'une famille aristocratique et féodale ... Le poème :
قمر الليل
قمر الليل خواطري تَتْوَنسْ به *** نلقى فيه أوصافْ يرضاهمْ بالي
يا طالب عندي خليلة تشبه لِهْ *** من مرغوبي فيهْ سهْري يحلالي
انْباتْ انْقَسَمْ في الليالي ننظرْ لِهْ *** يفرقْ بيننا الحدارْ التـالـــــــي
خايفْ لبعض السحابات تغطيه *** إذا غــاب ضياه يَتْغَيثرْ حالي
يا سايل عن خاطري واش مسَهيه *** مع الرّيم اللّي جلى قلبي جالي
يا تهواسي خاطري واش ينْسيه *** وين الطّبْ اللّي يْناسبْ لأعْلالي
ضُرْ مْعاشرْ كبدي وأنا خافيه *** صابَرْ لَلْحُمَه الشْديدة مذالي
هذا المرسم كانتْ الخدّاعة فيه *** مسبوغةْ الأنجالْ خلاتَهْ خالي
ياما امْهَبَلْني جيتْ للمرسم شاكيه *** ما جاوبْني ماسْمعْ لسْوالي
مرسم ولفي كي خْلا وعلاه نْجيه *** نتْفكرْ ما فات يثْقبْ مشعالي
يا مرسولي سير بجوابي وادّيــه *** ومكنْ به الظريفة واعــنيلــي
هات اخبار الخير لينا كُنْ انْبيه *** والمارة اللّي بينا ورّيهالــي
سال على محبوب قلبي سال عليه *** سال عليها سال شطانة حالي
قُلْ لْها وعْلاهْ محبوبكْ تنسيه *** غيظانة شكيتْ ماكيشْ تسالي
مزَّقْتي قلبي بشفرة هظمتيـه *** يومْ فراقكْ صار لي كالهبـــالي
خيالك عن ظاهر العين رْسمتيه *** واين ما صديت نلقاه قبالي
قدّاش ان مرسول لــي شَقِّيتيـــه *** كرْهوكْ الحَسّادْ بُغْضْ على جالي
نْشَرْتْ ثوبْ المحبه وطويتيه *** واه جديد محبتك يرجع بــــالي
ودعتك مفتاح قلبي ضيّْعْتيه *** سمطتي عنِّي أيّامي وأشغالي
جرّعتيني مُرّْ ما كُنْتَشْ نشْتيه *** ذُقْتْ أصْنافْ الحبْ من دون أجيالي
بعيني كي نَنْطحْ المرسم نخْطيه *** يتفلت منّي الميزْ ويغدى لي
يَتْفكرْ قلبي زمانْ ان كُنـــا فيه *** سَتْرونا لِيّــــام والوقت موالــــــي
ياكْ حْلفْتي لي بِمِينْ ووفيتيهْ *** قُلْـتيلي تشْتـــاقْ ما زالْ خْيالـــي
صحْ مْنامكْ بالوفاء كيما شفْتيه *** تفْسيرُه ما بيننا ظاهرْ جالي
أنتي شفتي ذا المنام وْفسَرْتيه *** وْ عْلمْت بالجاية قُلْتيهـالـــي
يـــا عــالــي العليـــا البالْياني تبليـه *** واجْعلْ حالهْ في المحبة كي حالي
تزيلفْ قلبْ الحبيبة وتكْويه *** وتثْقبْ مشعـــاله كي حـالـــــي
تديره شطرين على النّص تساويه *** قسمة تديها وقسمة تبقى لي
باش تشوف الحب وتلــوم مــواليه *** تعرف قدْ اللّي صبر كيما حالي
حبّي عنّي جار ما طقتش تخفيه *** يــا نـــوايــه خـــاطري هـــذا حـــالـــــي
قمر الليل
قمر الليل خواطري تَتْوَنسْ به *** نلقى فيه أوصافْ يرضاهمْ بالي
يا طالب عندي خليلة تشبه لِهْ *** من مرغوبي فيهْ سهْري يحلالي
انْباتْ انْقَسَمْ في الليالي ننظرْ لِهْ *** يفرقْ بيننا الحدارْ التـالـــــــي
خايفْ لبعض السحابات تغطيه *** إذا غــاب ضياه يَتْغَيثرْ حالي
يا سايل عن خاطري واش مسَهيه *** مع الرّيم اللّي جلى قلبي جالي
يا تهواسي خاطري واش ينْسيه *** وين الطّبْ اللّي يْناسبْ لأعْلالي
ضُرْ مْعاشرْ كبدي وأنا خافيه *** صابَرْ لَلْحُمَه الشْديدة مذالي
هذا المرسم كانتْ الخدّاعة فيه *** مسبوغةْ الأنجالْ خلاتَهْ خالي
ياما امْهَبَلْني جيتْ للمرسم شاكيه *** ما جاوبْني ماسْمعْ لسْوالي
مرسم ولفي كي خْلا وعلاه نْجيه *** نتْفكرْ ما فات يثْقبْ مشعالي
يا مرسولي سير بجوابي وادّيــه *** ومكنْ به الظريفة واعــنيلــي
هات اخبار الخير لينا كُنْ انْبيه *** والمارة اللّي بينا ورّيهالــي
سال على محبوب قلبي سال عليه *** سال عليها سال شطانة حالي
قُلْ لْها وعْلاهْ محبوبكْ تنسيه *** غيظانة شكيتْ ماكيشْ تسالي
مزَّقْتي قلبي بشفرة هظمتيـه *** يومْ فراقكْ صار لي كالهبـــالي
خيالك عن ظاهر العين رْسمتيه *** واين ما صديت نلقاه قبالي
قدّاش ان مرسول لــي شَقِّيتيـــه *** كرْهوكْ الحَسّادْ بُغْضْ على جالي
نْشَرْتْ ثوبْ المحبه وطويتيه *** واه جديد محبتك يرجع بــــالي
ودعتك مفتاح قلبي ضيّْعْتيه *** سمطتي عنِّي أيّامي وأشغالي
جرّعتيني مُرّْ ما كُنْتَشْ نشْتيه *** ذُقْتْ أصْنافْ الحبْ من دون أجيالي
بعيني كي نَنْطحْ المرسم نخْطيه *** يتفلت منّي الميزْ ويغدى لي
يَتْفكرْ قلبي زمانْ ان كُنـــا فيه *** سَتْرونا لِيّــــام والوقت موالــــــي
ياكْ حْلفْتي لي بِمِينْ ووفيتيهْ *** قُلْـتيلي تشْتـــاقْ ما زالْ خْيالـــي
صحْ مْنامكْ بالوفاء كيما شفْتيه *** تفْسيرُه ما بيننا ظاهرْ جالي
أنتي شفتي ذا المنام وْفسَرْتيه *** وْ عْلمْت بالجاية قُلْتيهـالـــي
يـــا عــالــي العليـــا البالْياني تبليـه *** واجْعلْ حالهْ في المحبة كي حالي
تزيلفْ قلبْ الحبيبة وتكْويه *** وتثْقبْ مشعـــاله كي حـالـــــي
تديره شطرين على النّص تساويه *** قسمة تديها وقسمة تبقى لي
باش تشوف الحب وتلــوم مــواليه *** تعرف قدْ اللّي صبر كيما حالي
حبّي عنّي جار ما طقتش تخفيه *** يــا نـــوايــه خـــاطري هـــذا حـــالـــــي
Commentaire