Tweet
SALAM
جيت انسالك و انتايا ترد جوابي * * * * * حشمتك بالله الحي القيوم
هذا وطنك و اللا جيت براني * * * * * يا راس ابنادم لله كلمني
ياذا الراس الباقي في ابلاد القفرة * * * * * ندعيك للجواد الخالق القيوم
الباعث الوارث خالق لا يرى * * * * * ما دام الدهر و الأيام ليك اتدوم
ازرع فيك الروح عيد لي كيف اجرى * * * * * حدثني باللي جازوا اعليك هموم
حُر أنت و اللا مملوك حرطاني * * * * * يا راس المحنة لله كلمني
و اللا أنت منسوب للبيت أهل السنة * * * * * قلبك طامع بالتحرير متهني
و اللا أنت خاين قبضوا عليك اخيانة * * * * * باعوك بقيمة وربعين سلطاني
و اللا أنت مسلم من أصحاب الجنة * * * * * و اللا ظالم من الظلام نصراني
و اللا أنت شاعر امعاك أهل القانة * * * * * زاهي في جلسات تفسير و امعاني
طبلك يرعد و الخودات في قضانة * * * * * و أنتايا متمولك خاطرك هاني
يا ذا الراس الفاني اغريبتك صهدتنا * * * * * يهديك الله ما صار حدثني
تعبد في مولاك ام قايم الديانة * * * * * ساجد راكع زاد القاك رباني
و اللا انتايا غوث ارماتك الديوانة * * * * * طاعوط ارواحين الإنس و الجاني
لعبت بيك النفس و جاي في لجحانة * * * * * و اللا من صغرك متبع الفاني
يهديك الله يا ذا الراس عيد علينا * * * * * أوقف لي في النوم اتشاهدك عيني
و اللا عندك طلبات في أرض اخلا * * * * * خلقوا منك نغمات درت العيب
كانوليك اسباب و جاو ليك اقبالة * * * * * اعييت ما اجبرت حبيب
اعطالك مولاك و كنت مولا رجلة * * * * * عديانك مرهوبة راهبين ارهيب
و اللا انت مسبب راح رزقك جملة * * * * * اللي مالو ضاع من العقل يغيب
و اللا أنت خوجة كتاب عند الدولة * * * * * خطك جيد عند الناس ليس يخيب
و اللا أنت بدعي نصاب للضلالة * * * * * مقامك تلقاه في الآجال قريب
و اللا انت والي تنزار من اهل الله * * * * * سايح في الأوطان و طاح بيك طليب
و اللا أنت طالب حافظ كتاب الله * * * * * سافرت على إذن القرآ، مت اغريب
استجب و اطلب لي فاتحة عند الله * * * * * يجعل في الجنة خالقي نصيب
يجعل قبري امعاشر رسول الله * * * * * في كون الجنة احذاه اقريب
ندعيك لمولى الفرقان ابن يمينة * * * * * للي خلقك يا ذا الراس و اخلقني
و اللا أنت خاطر و مادريت بفاني * * * * * ما جبت اخبر حتى اعشرت لكفاني
قبضك ربي وراك اسكنت في جبانة * * * * * و السابق لحاق موشوم يوناني
شرقي و اللا غربي يا كثير المحنة * * * * * و اللا قبلي جيت مسافر لوطني
و اللا جاني من لبعاد مالك قمنة * * * * * و اللا قاتل روح على اهلك جاني
و اللا انتايا كي مولاك درت امحنة * * * * * من قلت وليك اجنيت بالعاني
قلت انت مانصبرشي لهذا الهانة * * * * * نمشي في ملك الله وين ولاني
الرزق مع الروح انتاج حتى نفنى * * * * * حتى يوصل وعد الله يديني
و اللا قاصد الكعبة امشوق عمرة * * * * * ما خليت ذنوب إذا قبل مولاك
و اللا تركي من شواش اهل الزدمة * * * * * سلطان الديوان اجفا عليك ارماك
و اللا أنت سلطان أمير مول حرمة * * * * * باغوايط واسنحاجق زاهيين أوراك
و اللا أنتايا سارق في اليالي ظلمة * * * * * قتلوك الخيان اللي مشاو معاك
و اللا أنت جزار حداديك مسمومة * * * * * ما تذبح في الجلبة غير ما واتاك
و اللا نجار اتقايس اللي سقمة * * * * * ما تقطع في الغابة غير ما يرضاك
و اللا أنت عطار جواجك ملمومة * * * * * مرجان و حنة و اروايح ومسواك
و اللا انتايا سيد راك مولا حكمة * * * * * جلبك شي تقييد ابقى المال وراك
و اللا أنت خراز دراز مولى مرمة * * * * * و تغشى الإسلام يا ما حاك
و اللا أنت حداد مصانعي في الخدمة * * * * * تخدم بالهمة ما بين ذاك و ذاك
يا ذا الراس اذا كنت في ذا القصرة * * * * * و الآلة منصوبة و الوترنغام
و البوجي وقاد الناس به سهارة * * * * * و الفصحى تنظم تفجي على لغيام
يا ذا الراس الفاني كانك راس امره * * * * * بعد الهمة و الظفرا امسيت عظام
ما كانت مولاتك زايخة مشهورة * * * * * في انجوع و دشرة اغشي على لريام
ما مشطتشي في الصوم شهر اصغيرة * * * * * ما هزاتكشي هجرى و ريح اغرام
ما دخلتشي بيك اعراس كما نرى * * * * * ما شداتكشي باعمايم التبرام
ما ركبت هودج يطوال في قضانة * * * * * ما ساقت جحفة بامسوك و احسناني
ما فزعتش القوم و راها تداني * * * * * تنده في فرسان اللوم و اتعاني
فارس متقحطر من هيه و لوخر منه * * * * * ذوك ارجال اللوم اطرادهم مبني
اهل اسروج القطيفة وعدة زينة * * * * * يخرجوا في يوم الحيف عيناني
اهل اكحيل يسواجوا لا لاذوا باخشانة * * * * * ذا العقد امنور من فيه طرفاني
و اللا مول ليل و رادلك مولانا * * * * * اصبر للقضاء و افراق سلطاني
تقطع ضيم المغبونين و الشنقانة * * * * * و اتكسي ليتام اقماش لكفاني
فرض الموت عليك و لازم من الفنا * * * * * كما سرتوا نلحقوا احنا تاني
و اللا كنت تهج سبير للوراي * * * * * و على وجه رسول الله مت اخيار
شوف لقصرك فيه قداش من حورية * * * * * ما تدي منهم لكان ماتختار
مازاحوا ما شمخوا كي بنات الدنيا * * * * * خلقوا من كون الجنة بلا تفخار
سهم الطالب و الفلاح و الصوفية * * * * * يحرم ربي منهم غير اللي فجار
و اللا انت مجاهد في بلاد الكفرة * * * * * و على وجه الله مت اخيار
و اللا ايهودي خارج من الملة * * * * * لا يوريني وجهك يا لون العار
جهنم يا لخو سودا مقديا * * * * * تخلد في ستارها و على الأنظار
و اللا انت عالم فاهم الشرعية * * * * * تعرف حق الله و لا اتدير العار
و اللا كنت تدرس في اجموع اقوية * * * * * هذا ينسخ ذاك إيألف في لشعار
و اللا دلاتك النفس للهوية * * * * * ما تحسن للملح و لا ارحمت الجار
و اللا مولى رزق امتبع الدنية * * * * * منعت الزكاة و تارك لعشار
و اللا كنت انت تجري مع العراية * * * * * ياويحك في يوم الشدة و الفرار
و اللا انتايا تاجر باقناطرك امْفلس * * * * * ما نفعك ذا المال و لا نفع مولاك
درت الدين على الدنيا كي تتخلص * * * * * كذا من مشحاح ابقى المال أوراه
و اللا شاهد زور و في رايك ناقص * * * * * و اللي رادي واش ادي لقبار ادواه
و اللا كنت انتايا في بلادك رايس * * * * * خبرك شاع الناس تباشر باسماه
ابن مرزوق جاه اعديلي ذا المحنة * * * * * و انطق لي بجواب احزين حدثني
÷÷÷÷÷÷÷÷÷÷÷÷÷÷÷÷
جدي من مصر متربي في قسنطينة * * * * * يسمى سيدي المختار بن هني
يما من جبل زواوة اسماها يمنى * * * * * بوها من لشراف من أصلو حسني
أنا اسمي الهاشمي بن نونة * * * * * مولى حكمة ناس اكثير تعرفني
اخرجت مقبل قاصد لمدينة * * * * * وصلنا لجدة صدوا خلوني
اتلاقيت أنا و الركب و اتفارقنا * * * * * خرجوا عني ذا الظلام قتلوني
امطيش و ابقيت في الأرض العريانة * * * * * حتى جاو صحاب الخير دفنوني
عاشرت لقبري حساب ستين سنة * * * * * حين احمل الواد بامطار كركرني
ثلث سنينأعداد و انايا في الهانة * * * * * شي بقالي مكتوب يلحقني
لقاني مكتوب اللي امقدر لنا * * * * * حتى نوصل في يد فران تحرقني
ارفد ذاك الراس و قال نديه أنا * * * * * في طوع الله قال ندير فيه الخير
حطو في صندوق و غاب بافطانة * * * * * رفداتو رتو و امشاة في تغيير
خاطرها متنكب روّحت عجلانة * * * * * و اطعتها تخميم اتكوات بامجاوير
اداتو لعجوزة خاينة كهانة * * * * * قالت لها يا بنت واش راه بصير
هذا بكري كانت زوجتو حسينة * * * * * و اتفكرها شهو منين كان صغير
مشطن منها اضحى في محنة * * * * * شاعل في جوفو مشهاب نار اغزير
أحرقيه و ما تبقايشي مغبونة * * * * * و ارماتو يديه الريح فوق الدير
اغفر يا رب للراس و اغفرلنا * * * * * و ارحم ابن مرزوق مع السامعين
و الصلاة على الرسول طير الجنة * * * * * صلى الله عليه الفين بالمثنى
ترجو يوم الصراط يشفع فينا * * * * * و الهربة إلا ليه يمنعنى
اغفر يا ربي للحاضر و اللي اسمعنا * * * * * لخضر بن اخلوف هوامنظني
هذا برّك و اللا جيت براني * * * * * يا راس المحنة لله كلمني
جيت انسالك و انتايا ترد جوابي * * * * * حشمتك بالله الحي القيوم
هذا وطنك و اللا جيت براني * * * * * يا راس ابنادم لله كلمني
ياذا الراس الباقي في ابلاد القفرة * * * * * ندعيك للجواد الخالق القيوم
الباعث الوارث خالق لا يرى * * * * * ما دام الدهر و الأيام ليك اتدوم
ازرع فيك الروح عيد لي كيف اجرى * * * * * حدثني باللي جازوا اعليك هموم
حُر أنت و اللا مملوك حرطاني * * * * * يا راس المحنة لله كلمني
و اللا أنت منسوب للبيت أهل السنة * * * * * قلبك طامع بالتحرير متهني
و اللا أنت خاين قبضوا عليك اخيانة * * * * * باعوك بقيمة وربعين سلطاني
و اللا أنت مسلم من أصحاب الجنة * * * * * و اللا ظالم من الظلام نصراني
و اللا أنت شاعر امعاك أهل القانة * * * * * زاهي في جلسات تفسير و امعاني
طبلك يرعد و الخودات في قضانة * * * * * و أنتايا متمولك خاطرك هاني
يا ذا الراس الفاني اغريبتك صهدتنا * * * * * يهديك الله ما صار حدثني
تعبد في مولاك ام قايم الديانة * * * * * ساجد راكع زاد القاك رباني
و اللا انتايا غوث ارماتك الديوانة * * * * * طاعوط ارواحين الإنس و الجاني
لعبت بيك النفس و جاي في لجحانة * * * * * و اللا من صغرك متبع الفاني
يهديك الله يا ذا الراس عيد علينا * * * * * أوقف لي في النوم اتشاهدك عيني
و اللا عندك طلبات في أرض اخلا * * * * * خلقوا منك نغمات درت العيب
كانوليك اسباب و جاو ليك اقبالة * * * * * اعييت ما اجبرت حبيب
اعطالك مولاك و كنت مولا رجلة * * * * * عديانك مرهوبة راهبين ارهيب
و اللا انت مسبب راح رزقك جملة * * * * * اللي مالو ضاع من العقل يغيب
و اللا أنت خوجة كتاب عند الدولة * * * * * خطك جيد عند الناس ليس يخيب
و اللا أنت بدعي نصاب للضلالة * * * * * مقامك تلقاه في الآجال قريب
و اللا انت والي تنزار من اهل الله * * * * * سايح في الأوطان و طاح بيك طليب
و اللا أنت طالب حافظ كتاب الله * * * * * سافرت على إذن القرآ، مت اغريب
استجب و اطلب لي فاتحة عند الله * * * * * يجعل في الجنة خالقي نصيب
يجعل قبري امعاشر رسول الله * * * * * في كون الجنة احذاه اقريب
ندعيك لمولى الفرقان ابن يمينة * * * * * للي خلقك يا ذا الراس و اخلقني
و اللا أنت خاطر و مادريت بفاني * * * * * ما جبت اخبر حتى اعشرت لكفاني
قبضك ربي وراك اسكنت في جبانة * * * * * و السابق لحاق موشوم يوناني
شرقي و اللا غربي يا كثير المحنة * * * * * و اللا قبلي جيت مسافر لوطني
و اللا جاني من لبعاد مالك قمنة * * * * * و اللا قاتل روح على اهلك جاني
و اللا انتايا كي مولاك درت امحنة * * * * * من قلت وليك اجنيت بالعاني
قلت انت مانصبرشي لهذا الهانة * * * * * نمشي في ملك الله وين ولاني
الرزق مع الروح انتاج حتى نفنى * * * * * حتى يوصل وعد الله يديني
و اللا قاصد الكعبة امشوق عمرة * * * * * ما خليت ذنوب إذا قبل مولاك
و اللا تركي من شواش اهل الزدمة * * * * * سلطان الديوان اجفا عليك ارماك
و اللا أنت سلطان أمير مول حرمة * * * * * باغوايط واسنحاجق زاهيين أوراك
و اللا أنتايا سارق في اليالي ظلمة * * * * * قتلوك الخيان اللي مشاو معاك
و اللا أنت جزار حداديك مسمومة * * * * * ما تذبح في الجلبة غير ما واتاك
و اللا نجار اتقايس اللي سقمة * * * * * ما تقطع في الغابة غير ما يرضاك
و اللا أنت عطار جواجك ملمومة * * * * * مرجان و حنة و اروايح ومسواك
و اللا انتايا سيد راك مولا حكمة * * * * * جلبك شي تقييد ابقى المال وراك
و اللا أنت خراز دراز مولى مرمة * * * * * و تغشى الإسلام يا ما حاك
و اللا أنت حداد مصانعي في الخدمة * * * * * تخدم بالهمة ما بين ذاك و ذاك
يا ذا الراس اذا كنت في ذا القصرة * * * * * و الآلة منصوبة و الوترنغام
و البوجي وقاد الناس به سهارة * * * * * و الفصحى تنظم تفجي على لغيام
يا ذا الراس الفاني كانك راس امره * * * * * بعد الهمة و الظفرا امسيت عظام
ما كانت مولاتك زايخة مشهورة * * * * * في انجوع و دشرة اغشي على لريام
ما مشطتشي في الصوم شهر اصغيرة * * * * * ما هزاتكشي هجرى و ريح اغرام
ما دخلتشي بيك اعراس كما نرى * * * * * ما شداتكشي باعمايم التبرام
ما ركبت هودج يطوال في قضانة * * * * * ما ساقت جحفة بامسوك و احسناني
ما فزعتش القوم و راها تداني * * * * * تنده في فرسان اللوم و اتعاني
فارس متقحطر من هيه و لوخر منه * * * * * ذوك ارجال اللوم اطرادهم مبني
اهل اسروج القطيفة وعدة زينة * * * * * يخرجوا في يوم الحيف عيناني
اهل اكحيل يسواجوا لا لاذوا باخشانة * * * * * ذا العقد امنور من فيه طرفاني
و اللا مول ليل و رادلك مولانا * * * * * اصبر للقضاء و افراق سلطاني
تقطع ضيم المغبونين و الشنقانة * * * * * و اتكسي ليتام اقماش لكفاني
فرض الموت عليك و لازم من الفنا * * * * * كما سرتوا نلحقوا احنا تاني
و اللا كنت تهج سبير للوراي * * * * * و على وجه رسول الله مت اخيار
شوف لقصرك فيه قداش من حورية * * * * * ما تدي منهم لكان ماتختار
مازاحوا ما شمخوا كي بنات الدنيا * * * * * خلقوا من كون الجنة بلا تفخار
سهم الطالب و الفلاح و الصوفية * * * * * يحرم ربي منهم غير اللي فجار
و اللا انت مجاهد في بلاد الكفرة * * * * * و على وجه الله مت اخيار
و اللا ايهودي خارج من الملة * * * * * لا يوريني وجهك يا لون العار
جهنم يا لخو سودا مقديا * * * * * تخلد في ستارها و على الأنظار
و اللا انت عالم فاهم الشرعية * * * * * تعرف حق الله و لا اتدير العار
و اللا كنت تدرس في اجموع اقوية * * * * * هذا ينسخ ذاك إيألف في لشعار
و اللا دلاتك النفس للهوية * * * * * ما تحسن للملح و لا ارحمت الجار
و اللا مولى رزق امتبع الدنية * * * * * منعت الزكاة و تارك لعشار
و اللا كنت انت تجري مع العراية * * * * * ياويحك في يوم الشدة و الفرار
و اللا انتايا تاجر باقناطرك امْفلس * * * * * ما نفعك ذا المال و لا نفع مولاك
درت الدين على الدنيا كي تتخلص * * * * * كذا من مشحاح ابقى المال أوراه
و اللا شاهد زور و في رايك ناقص * * * * * و اللي رادي واش ادي لقبار ادواه
و اللا كنت انتايا في بلادك رايس * * * * * خبرك شاع الناس تباشر باسماه
ابن مرزوق جاه اعديلي ذا المحنة * * * * * و انطق لي بجواب احزين حدثني
÷÷÷÷÷÷÷÷÷÷÷÷÷÷÷÷
جدي من مصر متربي في قسنطينة * * * * * يسمى سيدي المختار بن هني
يما من جبل زواوة اسماها يمنى * * * * * بوها من لشراف من أصلو حسني
أنا اسمي الهاشمي بن نونة * * * * * مولى حكمة ناس اكثير تعرفني
اخرجت مقبل قاصد لمدينة * * * * * وصلنا لجدة صدوا خلوني
اتلاقيت أنا و الركب و اتفارقنا * * * * * خرجوا عني ذا الظلام قتلوني
امطيش و ابقيت في الأرض العريانة * * * * * حتى جاو صحاب الخير دفنوني
عاشرت لقبري حساب ستين سنة * * * * * حين احمل الواد بامطار كركرني
ثلث سنينأعداد و انايا في الهانة * * * * * شي بقالي مكتوب يلحقني
لقاني مكتوب اللي امقدر لنا * * * * * حتى نوصل في يد فران تحرقني
ارفد ذاك الراس و قال نديه أنا * * * * * في طوع الله قال ندير فيه الخير
حطو في صندوق و غاب بافطانة * * * * * رفداتو رتو و امشاة في تغيير
خاطرها متنكب روّحت عجلانة * * * * * و اطعتها تخميم اتكوات بامجاوير
اداتو لعجوزة خاينة كهانة * * * * * قالت لها يا بنت واش راه بصير
هذا بكري كانت زوجتو حسينة * * * * * و اتفكرها شهو منين كان صغير
مشطن منها اضحى في محنة * * * * * شاعل في جوفو مشهاب نار اغزير
أحرقيه و ما تبقايشي مغبونة * * * * * و ارماتو يديه الريح فوق الدير
اغفر يا رب للراس و اغفرلنا * * * * * و ارحم ابن مرزوق مع السامعين
و الصلاة على الرسول طير الجنة * * * * * صلى الله عليه الفين بالمثنى
ترجو يوم الصراط يشفع فينا * * * * * و الهربة إلا ليه يمنعنى
اغفر يا ربي للحاضر و اللي اسمعنا * * * * * لخضر بن اخلوف هوامنظني
هذا برّك و اللا جيت براني * * * * * يا راس المحنة لله كلمني