Tweet
Beit el qassid a partir de la 4eme minute.
أبقاي على خير يا هاذ الدشرة
أبقاي على خير يا هاذ الدشرة يا اللي غاشيها غير فلان يصك فلان
راني حالف ما نولي ذا المرة يا لو كان نموت في الصحرا عطشان
نعشر بر الروم و بلاد الكفرة لا نعشر بر المشمت و الرعيان
بحديث التنوفيق و الضحكة صفرة و الصحبة تحيا و تفنى بالقضيان
بلسانو يعطيك قنطار مسرة و الحيلة متلمدة تحت البيطان
بالرشوة تلقاه ماشي للعمرة و يصلي في البيت في أخر رمضان
و كي يولي بكلاح و عباية صفرة و يعطيها للزور و كلام البهتان
يحلفلك ليمين قداه من مرة يحلف بالكعبة و يحلف بالقرأن
يحرم لبزوز و يحرم لمرا و غير يصد عليك تلقى كذبو بان
أخزيهم ياخالقي في ذا الدشرة ذا القوم اللي حليفها ما فيه أمان
أبقاي على خير يا هاذ الحفرة اللي يحكمها غير الجاهل و الخوان
تلقى اللي ملوا غبار السبورة للسياسة داخلين بلا سلطان
المرفوعة تاليتها مجرورة العطف يوروه غير لفلان و فلان
و الفعل المجهول مبني بالكسرة لسمايا الخمسة يديروا ليهم شان
تلقى المير حمار و النايب بقرة و المجلس ثعبان يختل في ثعبان
ماتفرز أمي على واحد يقرا و لا تفرز صاحي على واحد سكران
غاشيها يدور على زقا فيها يدور و تلقى الخاين مدسوس في وسط الخيان
و كي الكلاب مدربين على الحقرة و يا ويح اللي جاهم بين النيبان
كي تسمع لحديثهم عند الهدرة تقول انت لبطال هاذو وشجعان
ولو تعجنهم ما يجوا في ساق مرا ولو توزنهم ما يوفولك ميزان
وكي لغراب مين يعلى في الشجرة يحسب كل الخلق تحتو غير ذبان
أبقاي على خير يا هاذ الدشرة اللي لاحت تاريخها في عقب زمان
يا سعد اللي جا موظف من برا بالوصلة يحضى عزيز ومولى شان
يدولوا لفراش ويزيدوه مرا كل خميس عشاه مشوي عند فلان
ما يحتاج لا حليب ولا خضرة كلش خالص جاي من عند الرعيان
هاذا جاي جايب مخدة حمرة وهاذا يجري جايب قريعات دهان
وتلقى المشمت غير توصل فالهدرة وتلقى المرعن غير تجرجر فلخرفان
أخزيهم يا خالقي في ذا الدشرة ذا القوم اللي شانها ما جا كي شان
وارزقهم لعجاج ومعاه الغبرة وزلط اللي بدراهمو يصبح جيعان
إذا راد الله من هاذ المرة ما نرجعش خلاص لبلاد الرعيان
وانقول على خير يا هاذ الحفرة راها ليكم يا المشمت والرعيان
ما رانيش على الرجال أهل النعرة اللي كلمتهم ما لقات منين تبان
وما رانيش على البزوز اللي تقرا وما رانيش على اللي سكنوا في لكفان
وما رانيش على الشجرة والحجرة وما رانيش على الوليا والحيوان
مقصودي رعيان ما ليهم جرة كي عكست ليمام ولا ليهم شان
كانوا مدسوسين في وقت الكثرة وياسر منهم كان في صف العديان
وذركا جاب شهود ودخل في الثورة وخرج عندو كاميو قهوة وبلان
ولحقلو رابيل حج وزاد مرة واصبح فالتاريخ يفتي بالبرهان
ويعود يقول بيا واش صرا كي كنا في الجيش أنا والمرحوم فلان
فوق حمار ولاحقتني طيارة ذاك الشي وضربتها بين الجنحان
واهجمت على شار بعمود وحجرة دقدقتوا واقديت في جدو النيران
أخزيهم يا خالقي في ذا الدشرة ذا "الحرك" اللي عايشة بالبهتان
ارحم من شافوا الكحلة والمرة وماتوا شوهادا على الصدق والإيمان
ارحمهم بالحور في الجنة الخضرة واسكنهم يا خالقي خير الجنان
أبقاي على خير يا هاذ الدشرة يا اللي غاشيها غير فلان يصك فلان
راني حالف ما نولي ذا المرة يا لو كان نموت في الصحرا عطشان
نعشر بر الروم و بلاد الكفرة لا نعشر بر المشمت و الرعيان
بحديث التنوفيق و الضحكة صفرة و الصحبة تحيا و تفنى بالقضيان
بلسانو يعطيك قنطار مسرة و الحيلة متلمدة تحت البيطان
بالرشوة تلقاه ماشي للعمرة و يصلي في البيت في أخر رمضان
و كي يولي بكلاح و عباية صفرة و يعطيها للزور و كلام البهتان
يحلفلك ليمين قداه من مرة يحلف بالكعبة و يحلف بالقرأن
يحرم لبزوز و يحرم لمرا و غير يصد عليك تلقى كذبو بان
أخزيهم ياخالقي في ذا الدشرة ذا القوم اللي حليفها ما فيه أمان
أبقاي على خير يا هاذ الحفرة اللي يحكمها غير الجاهل و الخوان
تلقى اللي ملوا غبار السبورة للسياسة داخلين بلا سلطان
المرفوعة تاليتها مجرورة العطف يوروه غير لفلان و فلان
و الفعل المجهول مبني بالكسرة لسمايا الخمسة يديروا ليهم شان
تلقى المير حمار و النايب بقرة و المجلس ثعبان يختل في ثعبان
ماتفرز أمي على واحد يقرا و لا تفرز صاحي على واحد سكران
غاشيها يدور على زقا فيها يدور و تلقى الخاين مدسوس في وسط الخيان
و كي الكلاب مدربين على الحقرة و يا ويح اللي جاهم بين النيبان
كي تسمع لحديثهم عند الهدرة تقول انت لبطال هاذو وشجعان
ولو تعجنهم ما يجوا في ساق مرا ولو توزنهم ما يوفولك ميزان
وكي لغراب مين يعلى في الشجرة يحسب كل الخلق تحتو غير ذبان
أبقاي على خير يا هاذ الدشرة اللي لاحت تاريخها في عقب زمان
يا سعد اللي جا موظف من برا بالوصلة يحضى عزيز ومولى شان
يدولوا لفراش ويزيدوه مرا كل خميس عشاه مشوي عند فلان
ما يحتاج لا حليب ولا خضرة كلش خالص جاي من عند الرعيان
هاذا جاي جايب مخدة حمرة وهاذا يجري جايب قريعات دهان
وتلقى المشمت غير توصل فالهدرة وتلقى المرعن غير تجرجر فلخرفان
أخزيهم يا خالقي في ذا الدشرة ذا القوم اللي شانها ما جا كي شان
وارزقهم لعجاج ومعاه الغبرة وزلط اللي بدراهمو يصبح جيعان
إذا راد الله من هاذ المرة ما نرجعش خلاص لبلاد الرعيان
وانقول على خير يا هاذ الحفرة راها ليكم يا المشمت والرعيان
ما رانيش على الرجال أهل النعرة اللي كلمتهم ما لقات منين تبان
وما رانيش على البزوز اللي تقرا وما رانيش على اللي سكنوا في لكفان
وما رانيش على الشجرة والحجرة وما رانيش على الوليا والحيوان
مقصودي رعيان ما ليهم جرة كي عكست ليمام ولا ليهم شان
كانوا مدسوسين في وقت الكثرة وياسر منهم كان في صف العديان
وذركا جاب شهود ودخل في الثورة وخرج عندو كاميو قهوة وبلان
ولحقلو رابيل حج وزاد مرة واصبح فالتاريخ يفتي بالبرهان
ويعود يقول بيا واش صرا كي كنا في الجيش أنا والمرحوم فلان
فوق حمار ولاحقتني طيارة ذاك الشي وضربتها بين الجنحان
واهجمت على شار بعمود وحجرة دقدقتوا واقديت في جدو النيران
أخزيهم يا خالقي في ذا الدشرة ذا "الحرك" اللي عايشة بالبهتان
ارحم من شافوا الكحلة والمرة وماتوا شوهادا على الصدق والإيمان
ارحمهم بالحور في الجنة الخضرة واسكنهم يا خالقي خير الجنان