Lemḥibba-m tuɣ-d ɣef wul-iw
Tefka-d acḥal d iẓuran
Ḥulfaɣ iḍaq lxaṭer-iw
D lɣiba-m i d yi-yenɣan
Ul-iw i d-yecban di sseḥra
Mm yiṭij yesserɣayen
Yectaqen aman di ccetwa
D rrmel kan i tt-yeččuren
Tinna yeqqlen taggara
D mm lqaεa yeǧǧuǧgen
Tessa, yerna tdel merra
S lwerd bu rriḥa ẓiden
Ayen i d-yemɣin deg-s ass-a
D kemmini i t-izerεen
Lɣiba-m tmeḥḥen-iyi
Yeffud wul i kem-iḥemmlen
Tibḥirt i d-tessemɣiḍ deg-i
Tekkaw ula wi ad tt-yeswen
Lwerd εzizen i tmuɣli
Ata iban fell-as leḥzen
Ccbaḥa-s amzun texsi
Mi tɣabeḍ a tin εzizen
Lemḥibba-m tuɣ-d ɣef wul-iw
Tefka-d acḥal d iẓuran
Ḥulfaɣ iḍaq lxaṭer-iw
D lɣiba-m i d yi-yenɣan
Commentaire