Ideflawen: Ǧǧet-iyi abrid

[katiaret]

Ğǧet-iyi Abrid

Ur tufiḍ d-acu i d-cniɣ
Ala tazmert iɣallen,
Ur tufiḍ d-acu i d-bbwiɣ
Ala ifassen-iw d ilmawen,
Ur tufiḍ d-acu i ttnadiɣ
Ala tafat i wallen
Ğǧet-iyi abrid ad ɛeddiɣ
Iwumi ar i-tugadem?

Ifassen ur kkaten ara
Ala tira iwumi laqen
Iḍaren ur reggwlen ara
Lameɛna, ibeddi zemren
Mi d-seqsam, aqel-i da
Ayi d-afem garawen
Ğǧet-iyi abrid ad ɛeddiɣ!
Iwumi ar i-tugadem?

Ayen akwit tettugadem
Ataya deg aqerru-iw
Ma sɛiɣ kra igezzem
Ata deg ixef g iles-iw
Maci d nek ara tḥebsem
Ṛuḥet ad teṭṭfem lehḍur-iw
Ğǧet-iyi abrid ad ɛeddiɣ!
Iwumi ar i-tugadem?

[katiaret]

Ideflawen - Oui oui monsieur