Kaci Ifaraten ... AMAGRAMANE

[katiaret]

-- Amagraman –

Tugar tewzel teɣzi
Ma meqqret temẓi
S tizluga i teddunt temsal
Tuɣal d tiɛugja tarruẓi
Deg yilem tettɣizi
Neḍmmeɛ di kra iɣ-d tesekfal
D yir jeqduṛ i tmezi
Teṭṭef tiwizi
Yaɛreq iw umedyaz wawal

Tedderḍ ay amagraman
Tefkiḍ-d asalas
Terniḍ-aɣ-d tigejda
Aman ur d wwin laman
I qelɛen tilas
Xelḍen lḥebb d-ukerfa

Acḥal i nerǧa lehwa
Iɣurar celfen tafsut
Nerwa anebdu di ccetwa
Iraxṣiwen bḍan tamurt
Si llaẓ taɛebbuṭ texwa
Ur tif tudert lmut
Tazmert n wemɣid tulwa
Ur tezmir ad tesali ssut

-- Tasetna --

Di tuber i termimmez
Farḥen medden mi walan
Ass nni tidett tezlez
Mebɛid i t-ḍegger ilefḍan
Yenneḍ wesfel yeglallez
Di tirgwa uzlen waman
Yenneḍ wesfel yeglallez
Yexleḍ y-idim d waman
Tewwet zlezla tenhez
Ewwten yesyaxen deg iggnan

-- Tasetna --

Ma tuɣal zzit s-asɣar
Ifer rẓag am ilili
Ma ixullef mejjir aẓar
Ad yiḥnin umesbaṭli
Si mal nett-idir n-ẓer
Izi yer-ayaɣ tili
D-acu iɣ-d yewwi tuber
Dayen yelan iḍeli

Tedder-ḍ ay amagraman
Tefkiḍ-d asalas
Terniḍ-aɣ-d tigejda
Aman ur d wwin laman
I qelɛen tilas
Xelḍen lḥebb d-ukerfa

[katiaret]

Kaci ifaraten --asḤisef

Kaci IFARATEN
**************

-- Asḥisef --

Lwerd ma yeqqur
Leḥcic d-asaɣur
Ur d qarreɣ ara
Ur d qarreɣ ara, Lwerd irgem-it leḥcic
Temẓi-w m-ara timɣur
Ma qleɣ d-awessur
Ur d qarreɣ ara
Ur d qarreɣ ara, Temẓi taɣfilt tesdderwic

Tudert d-abrid ur nessin
Γezif ayendin
Yemgarad akk di talɣa
Diri-t da yelha dihin
Talwit imqennin
Yiwen yezri wayeḍ ihega
Tufiẓt nni id yettalin
Γas susef-itt akkin
Tefeɣ-itt tiẓeṭ d lbenna
D tanegizt n wayen yezrin
D-aṭṭan yedduri-n
Defir laɛtab d ndama

-- Tasetna --

Mačči d yiwet neɣ d snat
Iɣ tezgel teswaɛt
Ḍallen-t eǧǧant-aɣ nettru
Nuki-d m-iɣ teǧǧa tafat
I ṭlam neserwat
Netteẓma n-ḥell-d aɣurru
Macca ayen yezrin ifat
Tamuɣli ɣer zdat
Aṭṭan n ndama as nebru
Ad-awint iqcer ṭebrat
Ḥellu ma nerǧa-t
D-asirem mebla akakru

-- Tasetna --

Anida-t win ur necciḍ
Nadi-d ma tufiḍ
Ḥṣu winna nnig wemdan
Ur ttales ma teẓriḍ
I lɣelṭa teg-iḍ
Tannumi d yir aṭṭan
Muqqel amek ara tiliḍ
D tayett ad tḥeliḍ ?
Att tterfadeḍ deg imeɣban
Ad t-ferḥeḍ m-ara d temekti-ḍ
Anida teddiḍ
Ak maggren w-udmawen ḍsan.