Annonce

Réduire
Aucune annonce.

فريد الاطرش - الربيع

Réduire
X
 
  • Filtre
  • Heure
  • Afficher
Tout nettoyer
nouveaux messages

  • فريد الاطرش - الربيع




    أدي الربيع عاد من تاني والبدر هلت أنواره
    وفين حبيبي اللي رماني من جنة الحب لناره
    أيام رضاه يا زماني هاتها وخد عمري
    اللي رعيته رماني وفاتني وشغل فكري
    كان النسيم غنوة والنيل يغنيها
    وميته الحلوة تفضل تعيد فيها
    وموجه الهادي كان عوده ولون البدر أوتاره
    يناغي الورد وخدوده يناجي الليل وأسراره
    وأنغامه بتسكرنا أنا وهو
    أنا وهو مافيش غيرنا .. مافيش غيرنا
    أدي الربيع عاد من تاني والبدر هلت أنواره
    وفين حبيبي اللي رماني من جنة الحب لناره
    لمين بتضحك يا صيف لياليك وأيامك
    كان لي في عهدك حبيب آليف عهدني أدامك
    وكان لي في قلبه طيف يخطر في أوهامك
    من يوم ما فاتني وراح
    شدو البلابل نواح
    والورد لون الجراح
    يا ليلي يــا يـــا يــا يــا عين
    مر الخريف بعده بدل زهور الغرام
    والدنيا من بعده هوان ويأس وآلام
    لا القلب بينسى هواه ولا حبيبي بيرحمني
    وكل ما قول آه يزيد في ظلمه ويألمني
    وأدي الشتا يا طول لياليه
    على اللي فاته حبيبي يناجي طيفه ويناديه
    ويشكي للكون تعذيبه
    يا ليل يا بدر يا نسمة يا طير يا أغصان
    هاتوا لي من الحبيب كلمة تواسي العاشق الحيران
    أخد ورد الهوا مني وفات لي شوكه يألمني
    ماعرفش أيه ذنبي غير أني في حبي أخلصت من قلبي
    وغاب عني لا كلمني ولا قال لي أمتى راح أشوفوه
    وأقول يمكن هيرحمني ويبعت في الربيع طيفه
    آدي الربيع عاد من تاني والبدر هلت أنواره
    وفين حبيبي اللي رماني من جنة الحب لناره
    كلمات: مأمون الشناوي
    F.E.A.R, has two meanings:Forget everything and runorFace everything and Rise.....Voilà !
Chargement...
X