Tweet
Kamel Messaoudi - Kelthoum * المرحوم كمال مسعودي * كلثوم
قصيدة كلثـــــــــــــــــــــوم
كلثوم منام بصري مفتاح الدار --- أنا من هواها خلاص فنيت
هكذا كاتبة و شاءتلي الأقدار --- من غيرها في حياتي ما حبيت
*
كلثوم منام بصري ذيك المسرارة --- حزامها سود الجهة طالقاتو
قدها صغير والخانة دارت إمارة --- و شعرها طويل الحواشي مشطاتو
الخد والعيون تضوي كي النوارة --- الشفر بالكحل والحاجب سواتو
.
اللي يشوفها يتلف باب الدار --- و يقول في حياتي عمري ما ريت
زينها ساقني في الطريق كي العيار --- شحال جريت موراها شحال عييت
*
كلثوم حين تتبسم د التبسيمة --- العيون كلها و عناصر تسيل
السما يومها تبقى زرقة ديما --- والشمس كي توادعها حين تميل
و إذا بان القمر يعطيها قيمة --- و النجوم كي تضوي عليها في الليل
.
كلثوم حين تضحك تفرح الأطيار --- الحمام و اليمام والمقنين الزين
الباز و البلابل تشعر بأشعار --- الأطيار كلهم راهم فرحانين
*
الكاف كاملة بزين الكمال --- اللام لون ذاك القد المشموم
الثاء ثوبها ما يتشرى بالمال --- الواو ورد مسك وريحو مختوم
الميم مايلة تسلب الرجال --- يحسن قول من سماها كلثوم
.
زينها فاق زين عروسة البحار --- ماكان من قدر ينظرها بالعين
صورة مصورة ما رسمها صوار --- سبحان ما خلق رب العالمين
*
قلبي سجين هواه حليلو معذور --- ما صاب باش يرجعلي لمكاني
اللي يشوفني يحسبني مسحور --- السهم صابني في حشايا دخلاني
بحر الغرام ما يوصلوه بحور --- ما يفيد رايس ماهر ولا قرصاني
.
ماني عوام ماني رايس بحار --- بالله ساعفوني أنا قلبي حنين
ماكان غيرها يطفي هاذ النار --- نسعد حين نلقاها طول سنين
*
نمدح في بهاها ونقول قليل --- يا أهل الكلام فيدوني راني ليها
دموعي سواقي و ويدان تسيل --- سبابي كي راني بعيد عليها
خاطري ما تهنى والقلب عليل --- جوارحي ذبالت شكون يداويها
.
ما فاد طبيب ماهر ولا عقار --- لا حكيم لا طالب حافظ الستين
إذا نشوفها مصبوغة الأشفار --- نقوم من فراشي نبرا في الحين
*
زعم قلت نكتم سري في بير --- و أسراري ماكان من يعلم بيها
و إذا بغيت نمشي ليها ونسير --- في جنح الظلام نطير و ناديها
نقطع البحور و الويدان و الدير --- الجبال و الغوابي باش نساميها
.
لكن ما قدرت نكتم الأسرار --- شحال هولوني ذوك العينين
راهي جوارحي مكوية بجمار --- باقي وحيد صابر والقلب حزين
*
الورد والزهر النسري و الياس --- الياسمين فاتح مسك و ريحان
نوار الربيع صفراوي عساس --- الفل و القرنفل زينو فتان
من شاف زينها ميز فيه وقاس --- لا لوم لامني و ضحى دهشان
.
الفجر حين يطلع حاكم الأوتار --- بقصايد الهوى و دموع الخدين
الناس نايمة و أنا نعاسي طار --- بين الأوزان ونظامي يا سامعين
*
أنا لشوقها ما صبت ليه حدود --- ما عرفت روحها سكنت في الضمير
ما طابلي معاش و نفسي مسدود --- نرجى في سراحي كي سجن الطير
من شاف سيرتي يفهم المقصود --- ناوي إن شاء الله سوى طريق الخير
.
ناظم ذي القصيدة كمال الصبار --- و نختمها بالصلاة على الأمين
هو شفيعنا من هول ذاك نهار --- و كريمنا بالجنة وحور العين
قصيدة كلثـــــــــــــــــــــوم
كلثوم منام بصري مفتاح الدار --- أنا من هواها خلاص فنيت
هكذا كاتبة و شاءتلي الأقدار --- من غيرها في حياتي ما حبيت
*
كلثوم منام بصري ذيك المسرارة --- حزامها سود الجهة طالقاتو
قدها صغير والخانة دارت إمارة --- و شعرها طويل الحواشي مشطاتو
الخد والعيون تضوي كي النوارة --- الشفر بالكحل والحاجب سواتو
.
اللي يشوفها يتلف باب الدار --- و يقول في حياتي عمري ما ريت
زينها ساقني في الطريق كي العيار --- شحال جريت موراها شحال عييت
*
كلثوم حين تتبسم د التبسيمة --- العيون كلها و عناصر تسيل
السما يومها تبقى زرقة ديما --- والشمس كي توادعها حين تميل
و إذا بان القمر يعطيها قيمة --- و النجوم كي تضوي عليها في الليل
.
كلثوم حين تضحك تفرح الأطيار --- الحمام و اليمام والمقنين الزين
الباز و البلابل تشعر بأشعار --- الأطيار كلهم راهم فرحانين
*
الكاف كاملة بزين الكمال --- اللام لون ذاك القد المشموم
الثاء ثوبها ما يتشرى بالمال --- الواو ورد مسك وريحو مختوم
الميم مايلة تسلب الرجال --- يحسن قول من سماها كلثوم
.
زينها فاق زين عروسة البحار --- ماكان من قدر ينظرها بالعين
صورة مصورة ما رسمها صوار --- سبحان ما خلق رب العالمين
*
قلبي سجين هواه حليلو معذور --- ما صاب باش يرجعلي لمكاني
اللي يشوفني يحسبني مسحور --- السهم صابني في حشايا دخلاني
بحر الغرام ما يوصلوه بحور --- ما يفيد رايس ماهر ولا قرصاني
.
ماني عوام ماني رايس بحار --- بالله ساعفوني أنا قلبي حنين
ماكان غيرها يطفي هاذ النار --- نسعد حين نلقاها طول سنين
*
نمدح في بهاها ونقول قليل --- يا أهل الكلام فيدوني راني ليها
دموعي سواقي و ويدان تسيل --- سبابي كي راني بعيد عليها
خاطري ما تهنى والقلب عليل --- جوارحي ذبالت شكون يداويها
.
ما فاد طبيب ماهر ولا عقار --- لا حكيم لا طالب حافظ الستين
إذا نشوفها مصبوغة الأشفار --- نقوم من فراشي نبرا في الحين
*
زعم قلت نكتم سري في بير --- و أسراري ماكان من يعلم بيها
و إذا بغيت نمشي ليها ونسير --- في جنح الظلام نطير و ناديها
نقطع البحور و الويدان و الدير --- الجبال و الغوابي باش نساميها
.
لكن ما قدرت نكتم الأسرار --- شحال هولوني ذوك العينين
راهي جوارحي مكوية بجمار --- باقي وحيد صابر والقلب حزين
*
الورد والزهر النسري و الياس --- الياسمين فاتح مسك و ريحان
نوار الربيع صفراوي عساس --- الفل و القرنفل زينو فتان
من شاف زينها ميز فيه وقاس --- لا لوم لامني و ضحى دهشان
.
الفجر حين يطلع حاكم الأوتار --- بقصايد الهوى و دموع الخدين
الناس نايمة و أنا نعاسي طار --- بين الأوزان ونظامي يا سامعين
*
أنا لشوقها ما صبت ليه حدود --- ما عرفت روحها سكنت في الضمير
ما طابلي معاش و نفسي مسدود --- نرجى في سراحي كي سجن الطير
من شاف سيرتي يفهم المقصود --- ناوي إن شاء الله سوى طريق الخير
.
ناظم ذي القصيدة كمال الصبار --- و نختمها بالصلاة على الأمين
هو شفيعنا من هول ذاك نهار --- و كريمنا بالجنة وحور العين