Jaḥeɣ bezzaf d ameẓyan
Ulac w'ara ad iḍebbren fell-i
Di tmura ṛwiɣ lemḥan
D agujil mebla lwali
---------------------------
Kerhen-iyi medden irkulli
Ulac win i wumi xedmeɣ ccer
Qqaren-as d aberanni
Yusa-d akkin si lebḥer
Nekk lasel-iw d Ajazzayeri
Anef i lεebd ad yehder
Nekk lasel-iw d Aqbayli
Anef i lεebd ad yehder
---------------------------------------
Refrain
--------------------------------------
Assen mi yemmut baba
Yeǧǧa-iyi-d d bab n tesεa snin
Ass-nni, lliɣ di lmeḥna
Wellah yiwen ur d-iyi-yessin
Asmi i uɣaleɣ d argaz
NnuLfan-d leεmum-iw deg sin
---------------------------------
Refrain
--------------------------------
Ad sellmeɣ ɣef leḥbab-iw
Widak ibeεden fell-i
Tamezwarut, ɣef lwaldin
Σzizen, rebban-iyi
Ddunit s lmeεrifa
Ma d laxert, kečč d lfeεl-ik
---------------------------------------
Refrain
---------------------------------------
Yiwen deg-sen d aḍemmaε
Yerna iɣurr-it blis
Iɛemmer-iyi aqerruy-iw
I wakken ad iyi-d-yesselseq yelli-s
Asmi s-wwiɣ ṭṭbeq
Icreṭ-d yemma d warraw-is
------------------------------------------