Yella d i wurɣu maras

[katiaret]

Yella-d i wurɣu maras
Ma akken i nuyes ad d-teswawi

Nezdi asirem d layas
Nezdi imeṭṭi d ccnawi

Ma yuwi-k usfel d ayla-s
Azal n kra ur t-tetawiḍ

Ma ur telliḍ d yir terras
Ma tɣabeḍ iɣab yiswi-k

Lezzayer d nekkni d tarwa-s
Akken tella ad nili
Xas hujrent tfirellas
Tafsut terna-d ɣef cctawi

♪♪♪

Abrid-iw yesna lewɛur
Lembat-inu di lexla

Yesɛeb wasif mi ara yimɣur
Igellu ula s tiɣuzza

Ḥṣu-k-id a gma lumur
Frant ɣef ugdud ma yegza

Ur yelli umdan meḥqur
Ma yerna tidett ɣer tama-s

A mmi-s n Lezzayer ay aḥrur
Ḥedru-k-id ixef n lehna
Ṭṭlam ɣezzifen ur yettḍul
Yeṛṛez wafud ur yekna

♪♪♪

Mennaɣ ad d-maggreɣ tatut
Ad ttuɣ amk i iga yiḍelli

Ad d-yass yiwwas d amaynut
Ahat ad tbeddel tmuɣli

Ur tettu ayen i iɛeddan ttu-t
Aḥlil n win ur nettwali

Xas yugar fell-as lqut
Terra-t tudert am wakli

Rfed acewwiq ccnu-t
Tulsa n wawal agrawli
Afus deg ufus ad neddut
ayen i aɣ-mazal di tikli

♪♪♪

------------ Poème --------

Amezruy iger aẓeṭṭa
Yefka-d aɛlaw i tegmat

Agellid yebnan Sirṭa
Di Lexrub yeǧǧa-d tabrat

Ayen yeḍran di Xerraṭa
Yedda anda ddan yiɣsan

Nekkni ass-a nettuxeṭṭa
Nemzel s ujenwi yeḥfan

Nekk ur zriɣ taseṭṭa
I ɣef ttadden ccifan

Amezruy la yettɛeggiḍ
Ɣef tmurt anwa i d bab-is

Ad tafeḍ tira di lḥiḍ
Akka i ttcetkin warraw-is

Tasusmi terfed aceṭṭiḍ
Tettwehhi-asen i yitran

Ini-t-iyi-d ma d ajeǧǧiḍ
Kunwi ay irgazen yenzan

Nekk ad lḥuɣ deg yiḍ
Ur ttagadeɣ ccifan.

[katiaret]

Nna Dahbia IMINE :

Hommage aux martyrs de la guerre d'indépendance

[katiaret]

Hommage à Idir

Manissa

[katiaret]

Lemhibb_am Par Manissa