Bienvenue sur Forum Algérie, la communauté du site algerie-dz.com, votre fenêtre sur l'Algérie et le monde!
Pour avoir un accès total au forum algerie-dz.com, vous devez vous inscrire pour un compte gratuit. En tant que membre du forum, vous pourrez participer aux discussions, communiquer avec les autres membres et rejoindre le Club des Membres.
Si vous rencontrez des difficultés à vous inscrire ou à vous identifier sur Forum Algérie, n'hésitez pas à contacter l'équipe du support algerie-dz.com.
S usmendeg qerreb isufa
Times testufa
Awi-d kan ard ad timγur
Asγar s wurγu iḥulfa
Ur yezmir ara
Awexxer γelben-t leγrur
Yuγal d iγed mi-yekfa
Wwint γer lexla
Yes-s ara d-rebbin ttjur
A Dda Yidir
Nerra luḍa d agadir
Wi igrarben nebγa a t-nezwir
Tismin-nneγ di twaγit
A Dda Yidir
Nettuγal kan γer deffir
Ayen ilhan ur das-nezmir
Ayen i γ-ihudden nḥemmel-it
A Dda εemmar
Rray-nneγ d axessar
Yessekcem-aγ di yir lγar
Asmi d-neffeγ dγa nettu
γas ma nextar
Nḥeṣṣel di yir lğar
Nettnadi wi ara d-yerren ttar
Mi t-id-yerra an-nerfu
Ayen i nextar
Yettuγal-aγ d amesmar
I d-nettaf ddaw uḍar
γas akken nugi an-necfu
A Dda Ḥemmu
Acuγer nugi an-neḥlu
Ur nekrif ur nleḥḥu
Ruḥent-aγ tirga mxalfa
I deεwessu
Lğil γer lğil yettrağu
Ar ass-a tugi a γ-tettu
D iman-is deg-neγ tufa
Yelha wusu
Nessa-yas la s-nesbuḥru
Teçça-yaγ tugi ad terwu
Teffud seg-neγ teswa
A Dda Qasi
γas neεya deg-westeqsi
Acuγer tugi ad texsi
Times unebdu tḥemmel-aγ
Ur neẓri ansi
I daγ-d-ibeddu yiγisi
Nettak-as lebγi i tγersi
Mi neddukel ard an-nennaγ
Tagmatt-nni
Fell-as kul yiwen ittweṣṣi
Neẓra-tt am-wedfel tefsi
Truḥ ur d-tezzi fell-aγ
A Dda Meqqran
Ass-a yakkw imdanen ḥman
Allaγen ḥesbiten ḥfan
Leεqel yuγal d aγilif
Seffer-asen ddan
Ur ḥebbren ur steqsan
γas abrid ur dasen-iban
Awi kan nher s asif
Nbec-iten kan
Ddreγlen γas ma walan
εeẓgen i tidett i wmi slan
Neḍmeε azuzuf n lḥif
A Dda εisa
Lehna asmi akken i d-testeqsa
Nuggad ur tt-nessin ara
Nerra-tt d taεdawt-nneγ
Neğhel nenwa
Ula d ccwal d lehna
Deg mi d-nlul deg-neγ yella
Nerba-t nuggad a γ-yeffeγ
Nesεa-t d ayla
S tismin i t-nrebba
Nerra-d fell-as tiwwura
Akken ad yidir gar-aneγ
A Dda εli
Nemdel tawwurt mi d-telli
Wi ibγan ad aγ-yessali
An-nezwir deg-s a t-neγḍel
Si zik-nni
Lhem neçça-t d imekli
Tiγrit neçça-tt d imensi
Netturuẓu deg-neγ lefḥel
Amek akkenni
Wi ara ixedmen ur yelli
Yeqqim mebεid yettwali
Yettrağu zzher a s-yeftel
Commentaire