Tweet
لتونسي مس السّيستام ... و ضرك حلا لو الجو
و الدزيري السّي بوعلام ... و مازال يخاف م الضّو
يا السّي مول البندير ... تونس فيها لعراس
و الدزاير واش تدير ... خنقها ال DRS
حبيت نخرج و ننّادي ... يا شعبي فيق فيق
راهي بلادك و بلادي ... يحكم فيها التّّوفيق
كي نشوف على اليوتوب ... ولا على الفايسبوك
نلقى السّقف مثقوب ... و نلقى الحيط مهلوك
الحڤرة و الميزيرية ... و محروڤ و حراڤ
وكي قلنا النية ... جابولنا مسيو' torture' طرطاڤ
نسّاونا فالعشرية ... و قالو اللي فات مات
نعاودو المسرحية ... و نديرو الانتخابات
مكانش العسّة عليها ... و ممنوع التصوير
القيادة ماذا بيها ... يكون فيها شوية تزوير
شعبي يحب الحرية ... و العدل و الإحسان
و القيمة اللي هي ... و كرامة الإنسان
آه يا الدزاير يا بلادي ... يا زينة البلدان
راكي ساكنة في قلبي ... يا مزين السكان
وقتاش يفرج ربي ... و يسّعدو ليام
نفرح و يزهى قلبي ... و تعيشي في سلام
Commentaire